17/06/2022 | by SEO.HKWeb+

關鍵字研究及分析 係SEO既基礎，係搜尋引擎優化既重要一環， Keyword Analysis 就係捉緊市場脈搏，對各方參與者有深度既了解，食正市場既風向，令你呢隻小豬都飛上天。

Keyword Analysis

關鍵字 = 市場定位

消費者輸入 Keyword 等同表達咗佢既意願，希望係多如繁星既網上搵到最想要既資訊。當加插某一關鍵字去定義你網既主題，Search Engine就會知道你網站向市場提供邊種內容，從而將你既服務/產品（關鍵字）推送俾搜尋者，流量就自然咁引入你既 Website 。試諗吓，優秀既SEO令你 Web Page 流量疊加，你就可以輕鬆享有持續上升既營業額。相反，如果揀錯咗 Keyword ，搜尋者就無法流入你既網站。

要好好咁推廣你既網站，幾個關鍵字係唔夠既。20~30個都唔夠，幾百個或上千個先足夠有效咁向市場灌輸你既品牌。SEO要整幾多個關鍵字，你可以睇吓我哋篇SEO幾耐先見效。

關鍵字 = 市場決定

先睇一個 case study，某手機品牌唔想佢既手機同 Cheap 字有任何關係，但係 Cheap 擁有大量既 Fans （Cheap Mobile Phone），所以佢既SEO公司強烈建議用呢個字。最後， Cheap 更加出現係呢個品牌既廣告到。

呢個例子充份說明， Keyword 從來都唔係由網站擁有人決定，係市場決定。所以 Keyword Analysis 係非常重要。

當消費者搜尋「 關鍵字研究及分析 」，Search Engine 會：

1. 所有吻合「 關鍵字研究及分析 」呢個詞既網頁；
2. 無吻合「 關鍵字研究及分析 」，就會搵包含「 關鍵字 」同「 研究及分析 」既網頁；
3. 無吻合「 關鍵字研究及分析 」，就會搵接近「 關鍵字 」同「 研究及分析 」既網頁；
4. 有吻合「 關鍵字研究及分析 」，並搵包含呢個詞連結既網頁；
5. 有吻合「 關鍵字 」同「 研究及分析 」，並搵包含呢兩個詞連結既網頁。

SEPR既排名有限，搜尋引擎唔會將所有符合條件既網頁列晒出黎，爬蟲只會列出佢認為最重要既。呢啲重要因素出現係「 關鍵字 」同「 研究及分析 」呢兩個詞用咗：

1. 粗體；
2. 斜體；
3. 大體；
4. 標題。

另外，分析關鍵字可以從應用層面去諗。如「白飯」咁，keyword可以係「米」，應用層面可以係「炒飯」、「壽司」等，甚至可以係「白飯與健康」咁。

Keyword Analysis：確定關鍵字

關鍵字要 Straight Forward 咁做，唔洗諗得太複雜，跟住以下步驟就得。

1. 列出關鍵字；
2. 睇數據（Google Analytics），睇吓訪客係用乜野 Keyword 進入你既網站；
3. 調查你既對手，睇吓佢哋用咗邊啲關鍵字；
4. 問身邊既人，睇吓佢哋對你網站既意見；

Keyword Analysis：長尾關鍵字

講長尾關鍵字，先了解 轉化率 。訪客到訪你既網站後，進行一連串行為（如購物等），如果你網站一個月有200人到訪，有50人購物，咁轉化率係25%。 長尾關鍵字 既目標就係提高轉化率。

「SEO課程」就係短尾，將佢變為長尾「市場推廣SEO課程」。短尾關鍵字競爭激烈，唔容易做優化；如果你有幸排係較前位置，只確保引入流量，但確保唔到高轉化率。

如果只憑短尾引入訪客，咁有啲唔係想學SEO作市場推廣既搜尋者都會入咗黎，佢哋一睇原來全部有關 Marketing ，唔洗2秒就跳走，咁樣就變相提升咗跳出率，搜尋引擎會認為呢個係無價值內容既網頁（因為高跳出率），長遠會不利搜尋排名。

所以，長尾關鍵字係較精準面對潛在既搜尋者。

Keyword Suggestion：佛係關鍵字建議

又要問Google神，簡單咁將 Keyword 輸入搜尋窗入面，Google 自動為你建議，呢啲就係大數據得出最多人搜尋既關鍵字。

又或可以睇吓頁底既相關搜尋