【SEO知識】點解大多數人都做唔好SEO

Home » 權威性
29/06/2022by SEO.HKWeb+

係開始做SEO既時候以為好簡單,但整整下就會發覺毫無進展,最終都無法提升網頁排名,一開始既個團火就慢慢熄滅, 點解大多數人都做唔好SEO ?咁就要講下搜尋引擎優化概念既問題,以為無跟足Google搜尋引擎優化指引,係唔會影響排名,當好彩獲得高排名,都唔知係乜野原因。

  • 1. 忽略SEO排名3大支柱
    • 1.1 權威性
    • 1.2 Content is King
    • 1.3 相關性
  • 2. 與Google既喜好背道而馳
    • 2.1 文章類型
    • 2.2 無定期更新網頁
    • 2.3 無快速進入重點
  • 3. 過度SEO優化
    • 3.1 無關既Keyword
    • 3.2 在同一個頁面用上多個H1
    • 3.3 連結到有毒網站
  • 4. 總結

點解大多數人都做唔好SEO

1. 忽略SEO排名3大支柱

1.1 權威性

一個網站既權威性係來自有幾多Backlinks,越多越好。就Google而言,咁樣充分反映其他人對你內容既信任度,Hilltop演算法更加著重相關主題既連結,而唔係單單睇連結既數量。你可以用Backlink Checker去下有邊啲網頁放咗你頁面既連結。

點解大多數人都做唔好SEO _ Hilltop Algorithm

1.2 Content is King

keyword 完美融入內容,寫出一篇吸引讀者既文章,又策略性咁保持字數約1,000字、加插多媒體內容,提升使用者體驗,你既Website就會自然獲得流量,排得更好排名。

點解大多數人都做唔好SEO _ Content is King

1.3 相關性

Google只會推送與搜尋字相關既網頁,你要推算使用者既「搜尋意圖」,從而製作高相關性既內容。你可以用 Google TrendsGoogle Keyword Planner 去尋找高搜尋量既關鍵字/會成為下個「風口」既趨勢。

點解大多數人都做唔好SEO _ Google Trends

2. 與Google既喜好背道而馳

俾SEO+老生常談一下,內容為王係網頁成功既核心,所以我哋會用Blogging嚟作例子。除咗之前分享寫Blog既心得,需注重第一身既感想外,亦要引用客觀數據作Backup,咁樣先有說服力。以下係幾類Google喜好既文章,容易得到高排名。

2.1 文章類型

2.1.1 比較性文章

比較性文章有以下過程。

注視問題 -> 市場上現時既解決方法 -> 比較不同方法 -> 優點缺點 -> 作者觀點 -> 引用讀者評論

2.1.2 真心Share文章

真心Share文章有以下過程。

第一身客戶既角度 -> 講解購買前後既經驗 -> 講返個人面對既問題 -> 選擇服務/產品既經過 -> 內心比較 -> 個人選擇

2.1.3 開箱文章

開箱文章多以購買新產品,尤其係電子產品。由拆包裝封套逐步去到產品本體,並以拍攝手法記錄及後upload至網絡。

2.1.4 教學文章

教學文章有以下過程。

向讀者提供有用資訊 -> 先指出讀者遇到既間題 -> 所需工具/物料 -> 逐步咁詳細說明 -> 結論 -> 讀者評論

2.2 無定期更新網頁

當更新內容既頻率越高,Google就越鍾意到訪你既網頁。當你更新內容時,Google會重新排列網站既排名,所以你要捉緊呢個機會,不斷更新直至排到滿意既排名。

點解大多數人都做唔好SEO _ 無定期更新網頁

2.3 無快速進入重點

Google會視跳出率=唔好既使用者體驗。如果你既主菜放係較後位置,訪客自然失去耐性,就會直接跳出,咁你要識點去安排內容既架構。

3. 過度SEO優化

當你掌握SEO技術,你就會不斷進行SEO優化,但係有時會出現過度搜尋引擎優化,咁樣會形成反效果,會降低網站既排名,甚至會令到網站內容被視為「劣質」。

 

點解大多數人都做唔好SEO _ SEO優化

3.1 無關既Keyword

千奇唔好咁做,你明明賣花,但連結去賣水果。Google進行索引時,會考慮你成個網站入面既所有Keyword,再根據演算法進行排名,如果你將水果既關鍵字,就會降低網站係SERPs既整體分數。

3.2 在同一個頁面用上多個H1

H1只會出現一次。

3.3 連結到有毒網站

欲速則不達,唔好因快連結到有毒網站,要連結到有信譽既網站。


4. 總結

點解大多數人都做唔好SEO?其實有千萬種理由,以上係我哋總結出最多人犯既SEO優化問題,只要跟住以上3個小步驟,就會容易獲得較好排名。


你可能感興趣