30/06/2022 |
HelloToby (HT)係一個服務買賣平台，由2016年創立直今， HelloToby的SEO 成績係頗為出色。呢篇文章會分析HT既成功之處，為你整搜尋引擎優化帶出關鍵啟示。
HT平台提供大量不同既服務，涵蓋家居、進修、運動等，配對Supply & Demand，針對你搜尋既需求，從而提供各式各樣服務。HT既優勢係平台，而策略係「長尾關鍵字」。
HelloToby的SEO
- 1. 平台的優勢
- 2. 長尾關鍵字
- 3. 簡潔的評價
- 4. 總結
1. 平台的優勢
平台網站係好常見（物業、裝修、Model），可以係一個網站集合同一類既行業，每個商家會將差唔多既服務、圖片等放入網站，慢慢咁令個Website壯大。就好似以前買波鞋會去波鞋街；買Computer會去黃金咁，而家係將一個購物點數碼化，移到網上。
試諗，平台網站有大量同類既資訊、豐富既圖片及影片、高相關性既Keyword。自自然然，當同一類搜尋者搵特定服務/產品，Google就會導引去你既平台網站。
以28Hse做例子，呢個平台匯集唔同既樓盤，地產代理/私人都可以成為會員，上載物業資訊、圖片等，頻繁更新網站；另外，物業資料不限於買賣盤，仲有租盤、工商鋪、車位等，你既網站要幾耐先做到相同既更新速度、擁有咁豐富既資訊，你就會知道點解平台永遠都佔據較高既排名。
既然平台咁好，咁我做乜要整自己既網站，直接係平台註冊啦。記住，平台始終唔係自己野，一旦平台唔接受你，你既服務/產品都會馬上消失；又或者，見你服務/產品多人睇，平台會加你服務費，大大增加你既成本。另外，以上述例子，搵樓盤會記得28Hse，但絶對唔會記得係邊個地產代理/邊間地產鋪，試問點樣經營你既品牌？
2. 長尾關鍵字
長尾關鍵字既競爭較少，所以HT捉緊呢個機會，就可以輕易排到高搜尋結果。用HT既「網頁製作」為例，佢係用「網頁設計推薦」作為Keyword，咁點解Google都會推送HT呢？係因為佢哋用咗大量LSI，當你入到HT既相關網頁後，就會見到HT用咗：網頁設計、網站製作、網頁更新、UI/UX設計、網站優化等，呢啲K關鍵字屬於「網頁製作」既概念，可以見到HT係Keyword落咗相當大既功夫，又做足市場調查，捕捉到目標客既心理，滿足到潛在客戶既需求。
另外，HT又將相同業務細分成不同既類別，將同一類服務既內容豐富至極大化，留住讀者長時間係網站內，盡量深耕搜尋者想要既內容，咁樣就係Google愛HT既原因。
3. 簡潔的評價
HT提供服務資訊、相關服務價錢指標等重要信息外，佢收錄大量既用家評價，當中更有專家既意見，俾目標客比對及參考，令佢哋轉化為消費者。
5. 總結
HT係SEO係非常強大，資訊量大、內容豐富、連結多且實用性高、版面簡潔容易閱讀，用戶體驗及好感滿分，自然嬴得高既搜尋排名。
